ADARRA *Pedagogi Erakundea

GUZTION ESKOLA ETA BIGARREN HEZKUNTZA

Bigarren hezkuntzako irakasle eta orientatzaileentzako mintegia.

guztioneskola@adarra.org

BILERAK: Hileko bilera, Adarrako egoitzan.

EGUNA: 18:00- 20:00

Helburuak:

Bigarren hezkuntzako ikastetxeetan inklusioak zer esan nahi duen zehaztea denon artean.
Bigarren hezkuntzako ikastetxe bat inklusibo izatea eragiten duten politika, jardunbide eta kulturak identifikatzea.
Index-eko adierazleen proposamenaren azterketa kritikoa egitea.
Inklusioak egungo institutuetan dakartzan erronka eta oztopoak aztertzea.
Mundu osoko hezkuntza-sistemen ebaluazioen emaitzen inguruko azken ikerketak eta esperientzia arrakastatsuak ezagutzea.
Ikastetxeak inklusibo izateko lagungarriak diren prozesu eta jardunbideak identifikatzea.

Metodologia

Eskola inklusiboari buruzko testuen irakurketa dialogikoaren bidez eskola inklusiboa guretzat zer den zehaztuz eta adierazleak proposatuz joango gara.

Taldekideek irakaskuntza ertainetan izandako esperientziatik eta egungo hezkuntza-sisteman lortzen ari garen emaitzen azterketatik abiatuta, bigarren hezkuntzak, egun duen antolakuntza izanik, zer nolako oztopoak dituen zehaztuko dugu denon artean, eta aldaketa-prozesuei ekiteko garaian gaur egun emaitza onena lortzen ari diren proposamenen inguruan eztabaidatuko dugu